Ndërlidhjet

Rusi: Hetuesit i kanë gjetur dy kuti të zeza të aeroplanit të rrëzuar


Hetuesit dhe zjarrfikësit punojnë në vendin ku është rrëzuar aeroplani

Hetuesit dhe zjarrfikësit punojnë në vendin ku është rrëzuar aeroplani

Hetuesit e Rusisë thonë se i kanë gjetur dy kutizë e zeza të aeroplanit të rrëzuar të kompanisë Tatarstan Airlines në Kazan, dhe po i vazhdojnë kërkimet për ndonjë gabim eventual të ekuipazhit ose dështimit teknik.

Nga përplasja e këtij aeroplani kanë humbur jetën të 50 udhëtarët dhe anëtarët e ekuipazhit.

Hetuesit sot kanë filluar t’i analizojnë edhe xhirimet e kompanisë së fluturimeve.

Pamjet në video nga aeroporti tregojnë se aeroplani është përplasur vertikalisht dhe pastaj është përfshirë nga flaka.

Aeroplani i tipit Boeing 737 është rrëzuar mbrëmë vonë dhe fluturonte nga Moska për në Kazan.

Ky aeroplan ishte prodhuar para 23 vitesh dhe e kishte kaluar kontrollin e domosdoshëm para se të porositej nga kompania Tatarstan Airlines.
XS
SM
MD
LG