Ndërlidhjet

logo-print

Merkel: Të ripërtrihet besimi me Shtetet e Bashkuara


Angela Merkel duke folur me telefon mobil

Angela Merkel duke folur me telefon mobil

Kancelarja gjermane, Angela Merkel, thotë se në lidhjet ndërmjet Gjermanisë dhe Shteteve të Bashkuara “duhet të ndërtohet besim i ri”, pas akuzave se Uashingtoni ka spiunuar dhe ka mbledhur të dhëna për zyrtarët dhe shtetasit gjermanë.

Këto komente zonja Merkel i ka bërë sot gjatë një seance speciale të Bundestagut gjerman, në të cilën është diskutuar për spiunimin e Shteteve të Bashkuara në Gjermani, përfshirë edhe përgjimin e dyshuar të telefonit mobil të kancelares Merkel.

Akuzat, që janë zbuluar pas publikimit të dokumenteve sekrete të Shteteve të Bashkuara nga ish-kontraktori i inteligjencës amerikane, Edward Snowden, në muajin qershor dhe tetor, kanë krijuar shqetësim për shumë gjermanë dhe kanë shkaktuar tension në marrëdhëniet Shtetet e Bashkuara – Gjermania.

Kancelarja Merkel tha se raportet me Uashingtonin janë të “rëndësisë shumë të madhe për Gjermaninë”dhe Evropën.

Disa politikanë i kanë bërë thirrje qeverisë gjermane që ish-kontraktorit Snowden, të cilit Rusia i ka dhënë azil politik të përkohshëm, t’i ofrohet strehim në Gjermani.
XS
SM
MD
LG