Ndërlidhjet

Snowden jep mesazh për Krishtlindjet


Edward Snowden

Edward Snowden

Ish-kontraktori i inteligjencës amerikane, Edward Snowden, ka incizuar mesazhin për Krishtlindje, në të cilin thotë se mbikëqyrja masive, e bërë publike nga dokumentet që ka zbuluar ai, duhet të ndalojë.

Mesazhi është incizuar për televizionin Channel 4 të Britanisë, i cili për vite ka transmetuar mesazhe të ndryshme me atë të Mbretëreshës, që transmetohet nga televizionet e tjera britanike.

Mesazhi i Snowdenit do të transmetohet në orën 16:15, sipas kohës në Britani, dhe është filmuar në Rusi, ku Snowdenit i është siguruar azil i përkohshëm.

Në fragmentet e lëshuara para transmetimit, Snowden ka thënë:

“Një fëmijë i rritur sot, rritet pa konceptimin e privatësisë”.

Ish-kontraktori i Agjencisë për Siguri Kombëtare të SHBA-së ka tronditur këtë vit gjithë botën, kur ka zbuluar dokumente që flasin për shkallën e përgjimit elektronik nga Uashingtoni.
XS
SM
MD
LG