Ndërlidhjet

K. Veriore: Rodman i këndoi për ditëlindje liderit Jong Un


Dennis Rodman (djathtas) gjatë takimit me liderin verikorean Kim Jong Un, në shtator të vitit 2013 në Phenian

Dennis Rodman (djathtas) gjatë takimit me liderin verikorean Kim Jong Un, në shtator të vitit 2013 në Phenian

Ish-ylli pompoz i basketbollit, Dennis Rodman, i ka udhëhequr mijëra verikoreanë në këndimin e këngës “Me fat ditëlindja” për liderin e Koresë Veriore, Kim Jong Un, sot në kryeqytetin Phenian.

Kjo këngë u këndua pak para fillimit të ndeshjes së basketbollit të cilën e ka organizuar Rodman, për ta shënuar ditëlindjen e 31 të liderit Jong Un.

Raportohet se Kim Jon Un kishte buzëqeshur.

Rodman, që në Phenian i ka sjellur edhe disa ish-lojtarë të ligës NBA për këtë ndeshje, udhëtimin kundërthënës e ka përshkruar si “diplomaci basketbolli”.

Ai thotë se “e don” liderin Kim Jon Un, përkundër abuzimeve në fushën e të drejtave të njeriut dhe ekzekutimin e dajës së tij.

Katër udhëtimet e ish-basketbollistit Rodman në Korenë Veriore janë kritikuar nga shumë njerëz.

Dje, ai u paraqit në rrjetin televiziv, CNN, dhe tha se misionari amerikano-korean, Kenneth Bae, i burgosur për më tepër se një vit në Korenë Veriore, për siç është thënë ”krime kundër shtetit”, vetë është përgjegjës për situatën e tij.

Shtëpia e Bardhë tha se mbetet e “thellësisht e shqetësuar” për shëndetin e misionarit Bae.
XS
SM
MD
LG