Ndërlidhjet

Gul fton qeverinë turke të rishikoj politikën me Sirinë


Ilustrim

Ilustrim

Presidenti i Turqisë Abdullah Gul ka thirr të martën për ndryshim të politikës qeveritare karshi Sirinë, pas shumë vitesh kundërshtimi të regjimit në Damask.

Komentet e tij vijnë vetëm një para para mbajtjes së bisedimeve paqësore, që synojnë të ndalin luftën civile në Siri, që pritet të hapen më 22 janar në Zvicër.

“Unë jam i mendimit se duhet të rikalibrojmë diplomacinë tonë, dhe politikat tona të sigurisë marr parasysh ngjarjet që po ndodhin në jug të shtetit tonë me Sirinë”, Gul i ka thënë korit diplomatik gjatë një mbledhjeje në Ankara.

Turqia ka thirr për një kohë të gjatë presidentin sirian Bashar al-Assad që të largohet nga pushtetit.

Ankaraja zyrtare është akuzuar në shumë raste nga aleatët e saj perëndimor se po përkrah disa grupe kryengritëse radikale në Siri.

Turqisë po ashtu i është tërhequr vërejtja edhe për dërgimin e armatimit grupeve që besohet se janë të lidhura me Al-Kaidan, të cilat akuza ajo i ka mohuar.
XS
SM
MD
LG