Ndërlidhjet

Dy protestues antiqeveritarë raportohen të vrarë në Kiev të Ukrainës.

Protestuesit thonë se njëri nga ta është qëlluar për vdekje nga policia, por informacioni i tillë nuk është konfirmuar.

Përleshjet e sotme kanë shpërthyer pasi policia ka nisur të shkatërrojë barrikadat e ngritura nga protestuesit.

Ministri i Jashtëm suedez, Carl Bildt, ka shkruar në Twitter se ngjarjet e mëngjesit janë “përshkallëzim i rrezikshëm”.

Ai ka thënë se “regjimi duhet të ndalojë shtypjen dhe të hapë dialogun”.

Kryeministri i Ukrainës, Mykola Azarov, ka thënë se protestat antiqeveritare kanë sjellë “terroristët” në rrugë dhe ka paralajmëruar se të gjitha “veprimet kriminale” do të ndëshkohen.
XS
SM
MD
LG