Ndërlidhjet

Avokati i popullit dënon dhunën, ofron veten për ndërmjetësim


Ilustrim

Ilustrim

Institucioni i Avokatit të Popullit thotë se janë cënuar të drejtat dhe liritë e njeriut gjatë protestës së sotme të studentëve dhe përfaqësuesve të shoqërisë civile, të zhvilluara para rektoratit të Universitetit të Prishtinës.

“Eskalimi i situatës në përleshje midis protestuesve dhe forcave policore, në hyrje të hapësirave ku ndodhet Rektorati, është i rrezikshëm, i dëmshmëm dhe i papranueshëm”, thuhet në deklaratën e ombudspersonit dërguar medieve.

Në gjithë këtë situatë, sipas avokatit të popullit, është e “domosdoshme vetëpërmbajtja e të gjitha palëve nga çdo veprim që çon në përkeqësim të gjendjes së krijuar”.

Sipas këtij njoftimi, situata e krijuar dhe konfrotimi i dhunshëm para Rektoratit janë, siç thuhet, produkt i mungesës së debatit të dosmosdoshëm të botës akademike, si dhe lëndimi i dhjetëra protestuesve dhe policëve, është pasojë e drejtëpërdrejtë e mungesës së këtij debati.

Avokati i popullit sugjeron që ky debat i zhvendosur në rrugë, të rikthehet brenda botës universitare, për të gjetur zgjidhje të pranueshme dhe në pajtim me standardet universale Bazuar në kompetencat kushtetuese dhe ligjore.

Avokati i popullit po ashtu shpreh gatishmërinë “që të ndërmjetësojë” për të tejkaluar ngërçin mes studentëve dhe organeve udhëheqëse të Univeristetit të Prishtinës, nëse të dy palët pajtohen për këtë.
XS
SM
MD
LG