Ndërlidhjet

Ukrainë: Tubim i kundërtshtarëve të protestave


Protestuesit gjatë natës në Kiev

Mijëra njerëz të zemëruar nga protestat antiqeveri në kryeqytetin Kiev në Ukrainë, janë tubuar sot afër një barrikade të protestuesve, e pastaj janë tërhequr. E gjithë kjo ka ndodhur pa dhunë.

Afro 2 mijë njerëz janë tubuar afër barrikadës në mesditë, duke e bllokuar trafikun në pjesën qendrore të kryeqytetit Kiev.

Protestuesit antiqeveri, përfshirë edhe pjesëtarët e forcës së tyre për vetëmbrojtje me mburoja dhe të veshur me rroba speciale, kanë qëndruar në maje të barrikadës trimetërshe.

Pas dy orësh, gjendja e tensionuar, ka përfunduar.

Kjo situatë i thekson tensionet në Kiev, që vazhdojnë derisa protestat kanë hyrë në muajin e tretë, ndërsa nuk shihen shenja të lëshimeve as nga grupet opozitare e as nga qeveria.

Protestat filluan në fund të muajit nëntor të vitit të kaluar, pasi qeveria nuk e nënshkruajti një marrëveshje për afrim me Bashkimin Evropian, por krijoi lidhje më të afërta me Rusinë.
XS
SM
MD
LG