Ndërlidhjet

Kore: Jugu dhe Veriu i përfunduan bisedimet


Pamje nga një ushtrim ushtarak në Korenë Jugore më 24 janar të këtij viti

Koreja Jugore dhe ajo Veriore e kanë përfunduar rundin e dytë të rrallë të bisedimve të nivelit të lartë për ribashkimin e familjeve të ndara, përkundër vërejtjeve të Koresë Veriore ndaj ushtrimeve të përbashkëta ushtarake të Koresë Jugore dhe Shteteve të Bashkuara.

Ministria e unifikimit e Koresë Jugore ka konfirmuar se bisedimet kanë përfunduar sot pas vetëm dy sesioneve.

Nuk janë dhënë detaje të menjëhershme të ndonjë marrëveshjeje eventuale.

Këto ishin bisedimet e para të nivelit të lartë në shtatë vitet e fundit ndërmjet autoriteteve të Veriut dhe Jugut.

Koreja Jugore dëshiron që Koreja Veriore të garantoj se ribashkimi i planifikuar për të afërmit e ndarë nga Lufta e Koresë, në periudhën 1950-53, do të bëhet ashtu siç është paraparë, prej 20 e deri më 25 të këtij muaji.
XS
SM
MD
LG