Ndërlidhjet

Bisedimet midis Iranit dhe gjashtë fuqive botërore, për një marrëveshje afatgjate që do të kufizonte programin bërthamor të Teheranit, nisin sot në Vjenë.

Këto janë negociatat e para në nivel të lartë që nga marrëveshja e 24 nëntorit, sipas së cilës, Irani ka kufizuar disa aktivitete bërthamore në këmbim të lehtësimit të sanksioneve ndërkombëtare.

Të hënën, udhëheqësi suprem i Iranit, Ajatollah Ali Khamenei, ka thënë se nuk është optimist se bisedimet do të prodhojnë një marrëveshje të qëndrueshme.

Bisedimet do të zhvillohen midis delegacionit iranian, të udhëhequr nga ministri i Jashtëm, Mohammad Javad Zarif, dhe përfaqësuesve nga Britania, Kina, Franca, Gjermania, Rusia dhe Shtetet e Bashkuara.

Shefja e politikës së jashtme të Bashkimit Evropian, Catherine Ashton, do të mbikëqyrë procesin.
XS
SM
MD
LG