Situatë e tensionuar në Krime të Ukrainës

Protestuesit anti-rusë kanë sulmuar ndërtesën e parlamentit në Krime të Ukrainës.

Korrespondentët e Radios Evropa e Lirë raportojnë se disa ligjvënës kanë lënë objektin.

Ka raporte për disa njerëz të lënduar.

Sulmi ka ardhur pasi grupet rivale të protestuesve janë përleshur jashtë ndërtesës.

Ligjvënësit kanë qenë brenda në ndërtesë duke diskutuar situatën në gadishull pas përmbysjes së presidentit Viktor Yanukovych.

Tatarët e Krimesë kanë brohoritur “Ukraina nuk është Rusi”, ndërsa protestuesit pro-rusë i kanë quajtur banditë.