Ndërlidhjet

Ashton: Nuk ka garantime për marrëveshje finale me Iranin


Catherine Ashton dhe Javad Zarif para fillimit të konferencës për gazetarë në Teheran

Përfaqësuesja e lartë e Bashkimit Evropian për politikë të jashtme dhe siguri, Catherine Ashton, thotë se nuk “ka garantime” se bisedimet me Iranin për programin e tij të kontestuar atomik, do të çojnë në arritjen e marrëveshjes gjithpërfshirëse përfundimtare.

Këto komente ajo i bëri sot në Teheran, gjatë një konference të përbashkët për gazetarë, me ministrin e jashtëm të Iranit, Javad Zarif.

Zoti Zarif theksoi se Irani do ta pranoj vetëm marrëveshjen që i respekton “të drejtat” e këtij vendi.

Në nëntor të vitit të kaluar, në Gjenevë të Zvicrës, Irani dhe gjashtë fuqitë botërore, të përfaqësuara nga zonja Ashton, e arritën një marrëveshje të përkohshme, që synonte përfundimin e mospajtimit të gjatë gati një dekadë lidhur me aktivitetet atomike të Teheranit.
XS
SM
MD
LG