Ndërlidhjet

Joe Biden: Ngjarjet në Ukrainë “të pabesueshme”


Joe Biden gjatë vizitës së tij në Poloni
Joe Biden gjatë vizitës së tij në Poloni
Zëvendëspresidenti amerikan Joe Biden, ngjarjet në Ukrainë i ka quajtur “pothuajse të pabesueshme”.

Aneksimi i Krimesë nga ana e Rusisë, sipas tij, nuk është “gjë tjetër veç se rrëmbim i tokës"

Teksa ka folur në një konferencë për media në Varshavë të Polonisë, ai tha se ka ardhur në këtë vend për të ritheksuar angazhimet e NATO-s.

Siguria kolektive, sipas tij, mbet prioritet i NATO-s.
Biden tha me këtë rast, se izolimi mndërkombëtar i Rusisë vetëm do të shtohet.

Moska sipas tij, do të përballet me sanksione shtesë nga Shtetet e Bashkuara dhe BE-ja në qoftë se e vazhdon rrugën që e ka nisur.

Biden gjendet në Varshavë me qëllim të sigurimit të Polinisë dhe Lituanisë gjatë krizës në Ukrainë.

Takimet me aleatët e NATO-s janë pjesë e fushatës së Shteteve të Bashkuara për të bindur presidentin rus, Vladimir Putin, që të tërhiqet nga Ukraina.

Letonia dhe Estonia ndajnë kufij me Rusinë, ndërsa Polonia dhe Lituania janë pranë.
XS
SM
MD
LG