Obama përjashton ndërhyrjen ushtarake amerikane në Ukrainë
Presidenti amerikan Barak Obama ka përjashtuar çdo veprim ushtarak amerikan në Ukrainë. Duke folur në një intervistë me televizionin NBC më 19 mars, Obama tha se Uashingtoni do të vazhdojë të bëjë presion diplomatik dhe ekonomik mbi Moskën, lidhur me ndërhyrjen e saj në Ukrainë. Ai tha se Rusia ka "shkelur të drejtën ndërkombëtare dhe sovranitetin e një vendi tjetër."