Ndërlidhjet

Gyl kundërshton bllokimin e Twitter-it


Abdullah Gyl - foto arkivi

Abdullah Gyl - foto arkivi

Presidenti i Turqisë, Abdullah Gyl, ka kundërshtuar ndalimin e Twitter-it në këtë vend.

Kryeministri Recep Tayyip Erdogan ka urdhëruar bllokimin e rrjetit social, pasi qytetarët e kanë përdorur atë për të përhapur akuzat për korrupsion kundër rrethit të tij të brendshëm.

“Nuk brengosem se çfarë thotë komuniteti ndërkombëtar. Secili do të shohë fuqinë e Republikës së Turqisë”, ka thënë Erdogan.

Ashtu si edhe disa përdorues, presidenti Gyl ka shmangur ndalesën dhe ka shkruar në Twitter se “mbyllja është e papranueshme”.

Ai ka thënë se “nuk është teknikisht e mundur që të bllokohet tërësisht qasja në platformat që përdoren në gjithë botën” dhe ka shfaqur shpresën se vendimi nuk do të zgjasë për kohë të gjatë.
XS
SM
MD
LG