Ndërlidhjet

SHBA: Nënshkruhet marrëveshja për kredi me Ukrainën


Jack Lew (majtas) dhe Oleksand Shlapak gjatë nënshkrimit të marrëveshjes në Uashington

Shtetet e Bashkuara kanë shpallur se e kanë nënshkruar garantimin e kredisë prej 1 miliard dollarësh për Ukrainën.

Njoftimin për këtë nënshkrim e bëri sekretari amerikan i thesarit, Jack Lew, sot në Uashington, pas takimit me ministrin e financave të Ukrainës, Oleksandr Shlapak.

Sekretari Lew tha se kjo demonstron përkushtimin e Shteteve të Bashkuara për Ukrainën.

Sipas njoftimit, garantimi për kredi do të kontribouoj në plotësimin e programit të reformave të Fondit Monetar Ndërkombëtar (FMN) për Ukrainën.

FMN-ja ka premtuar për ta kredituar Ukrainën me shumën prej 14 e deri në 18 miliardë dollarë.

Por, kreditimi varet nga reformat strukturore, për të cilat Ukraina ka shprehur përkushtim që t’i ndërmarrë.
XS
SM
MD
LG