Ndërlidhjet

Hollande, Obama: Bisedime për sanksione të reja kundër Rusisë


Barack Obama (djathtas) dhe Francois Hollande gjatë një takimi në Uashington në shkurt të këtij viti

Presidenti i Francës, Francois Hollande, ka biseduar e presidentin amerikan, Barack Obama, për sanksionet e mëtejshme perëndimore kundër Rusisë, ka njoftuar sot presidenca franceze.

Të dy presidentët janë shprehur të shqetësuar për dhunën aktuale në pjesën lindore të Ukrainës, ku grupet proruse i kanë okupuar ndërtesat qeveritare.

Zoti Hollande ka thënë se shpreson se takimi i 17 prillit i përfaqësuesve të Ukrainës, Rusisë, Shteteve të Bashkuara dhe Bashkimit Evropian, do ta “filloj dialogun” për uljen ne tensioneve.

Zoti Hollande, poashtu, ka biseduar për masat e ardhshme të mundshme kundër Moskës edhe me kryeministrin e Britanisë, David Cameron.

Shtetet perëndimore janë kërcënuar me sanksione të reja kundër Rusisë, për shkak të aneksimit të Krimesë në Ukrainë, dhe për rolin e dyshuar të Moskës në mbështjetjen e protestuesve prorusë në pjesën lindore të Ukrainës.
XS
SM
MD
LG