Ndërlidhjet

K. Jugore: U gjetën edhe 10 trupa të pajetë në anijen e fundosur


Pamje nga operacioni i kërkimit për viktimat nga fundosja e anijes në Korenë Jugore

Pamje nga operacioni i kërkimit për viktimat nga fundosja e anijes në Korenë Jugore

Zhytësit në Korenë Jugore i kanë gjetur edhe 10 trupa të pajetë në anijen e cila u fundos para katër ditësh në bregdetin e këtij vendi.

Tash, numri zyrtar i të vdekurve nga ky incident i rëndë arriti në 46 vetë.

Më se 250 njerëz, që ishin në anije, ende konsiderohen të zhdukur, ndërsa më tepër se gjysma e tyre ishin nxënës të një shkolle të mesme.

Prej 476 njerëzve në anije, kanë shpëtuar vetëm 174 vetë.

Para dy ditësh, një udhëheqës i shkollës, ku mësonin nxënësit, ka bërë vetëvrasje.

Kapiteni i anijes, Lee Joon-seok, dhe dy anëtarë të ekuipazhit janë arrestuar dhe akuzuar për neglizhencë dhe krime të tjera.
XS
SM
MD
LG