Ndërlidhjet

Shoigu: Rusia nuk do ta invadoj Ukrainën


Chuck Hagel (djathtas) dhe Sergei Shoigu gjatë një takimi në tetor të vitit 2013
Chuck Hagel (djathtas) dhe Sergei Shoigu gjatë një takimi në tetor të vitit 2013
Ministri i mbrojtjes i Rusisë, Sergei Shoigu, gjatë një bisede të mbrëmshme telefonike, e ka siguruar sekretarin amerikan të mbrojtjes, Chuck Hagel, se Rusia nuk do ta invadoj Ukrainën.

Zoti Shoigu, poashtu, i tha zotit Hagel se trupat ruse janë kthyer në kazermat e tyre, pasi i kanë kryer ushtrimet në kufirin me Ukrainën.

Sipas tij, “autoritetet e Ukrainës kanë shpalluar se ato nuk do t’i përdorin njësitet e rregullta ushtarake kundër popullatës së paarmatosur” në Ukrainë.

Por, ministri rus i mbrojtjes, Shoigu, ka vlerësuar se aktiviteti i shtuar i forcave të Shteteve të Bashkuara dhe të NATO-s, afër kufijve rusë, janë të paprecedente.

Afro 150 ushtarë amerikanë tashmë kanë arritur në Estoni, për të marrë pjesë në ushtrimet ushtarake, lidhur me rritjen e tensioneve me Rusinë, për shkak të Ukrainës.

Me këtë vendosje, tash nurmi i ushtarëve amerikanë të dërguar në vendet baltike dhe në Poloni, gjatë krizës në Ukrainë, ka arritur në 600.
XS
SM
MD
LG