Ndërlidhjet

logo-print
Gjyqtari i procedurës paraprake të Gjykatës Themelore në Prishtinë Vehbi Kashtanjeva, ka vendosuur që deputeti i Kuvendit të Kosovës nga radhët e Lidhjes Demokratike të Kosovës Naser Osmani të mos qëndroj në paraburgim e as në arrest shtëpiak por ndaj tij e ka shqiptuar masën e lajmërimit në stacion policor.

Mbrojtësi i Osmanit, avokati Besnik Berisha ka konfirmuar për Radion Evropa e Lirë se klienti i tij akuzohet për shpërdorim të pozitës zyrtare “pasi që ka votuar në interes të lirimit të fabrikës FAN”.

Sa u përket të arrestuarve të tjerë dy ditë më parë në Agjencinë e Privatizimit, Berisha ka njoftuar se pas skadimit të masës së ndalimit të gjithë janë paraqitur në gjykatë dhe gjyqtari i njëjtë ka vendosur që pronari i fabrikës FAN të qëndroj në paraburgim ndërsa zyrtarët dhe ish-zyrtarët e AKP-së, për një muaj do të qëndrojnë në arrest shtëpiak.

Berisha ka paralajmëruar se do të paraqes ankesë ndaj vendmimit për paraqitje në stacion policor dy herë në javë.
XS
SM
MD
LG