Ndërlidhjet

Argjentina, "e lodhur me dhunën"


Pamje nga Argjentina, foto nga arkivi

Pamje nga Argjentina, foto nga arkivi

Peshkopët katolikë të Argjentinës thonë se shoqëria e vendit të tyre është në telashe të mëdha, "e lodhur me dhunën" dhe e përvuajtur nga korrupsioni publik dhe privat që është si "një kancer i vërtetë social, duke shkaktuar padrejtësi dhe vdekje".

Deklarata e ashpër botuar të premten pas konferencës vjetore të Peshkopëve, thotë se " dhuna e lidhur me drogën është gjithnjë e më e egër dhe e pamëshirshme ", dhe se mafia kriminale vrapojnë të lirë në vend, promovojnë skllavërinë e seksit dhe trafikimin e njerëzve, drogës dhe armëve.

"Shumë jetojnë me frikë kur hyjnë ose dalin nga shtëpitë e tyre, ose frikësohen t'i lënë ato bosh, ose me padurim presin kthimin e fëmijëve të tyre nga shkolla apo puna. Krimet janë rritur jo vetëm në sasi , por edhe në agresivitet", thanë ata.

Peshkopët thanë se zemërim publik mbi krimin në rritje "në asnjë mënyrë nuk justifikon aktet e hakmarrjes apo duke marrë drejtësinë në duart tuaja".

Ata thanë Argjentina ka nevojë për të promovuar respektin për ligjin, "nga rregullat më të rëndësishme të përcaktuara në Kushtetutën kombëtare, për ligjet e trafikut dhe dispozitave që e rregullojnë jetën e përditshme. Vetëm nëse ligjet respektohen, dhe ata që i shkelin dënohen, mund të kemi rindërtimin e lidhjeve sociale të dëmtuara nga krimi, mosndëshkimin dhe mungesa e shembujve të vendosura nga ata prej nesh me pak autoritet".
XS
SM
MD
LG