Ndërlidhjet

Associated Press raporton se për vite të tëra Irani ka qenë një prej armiqëve më të mëdhenj të Shteteve të Bashkuara.

Por, tash, me aleancat e turbullta në Lindje të Mesme, këto dy vende janë duke biseduar se si të ndalojnë ofenzivën e kryengritësve të Al Kaidës në Irak.

Si është e mundur që dy armiq të përbetuar që nuk i kanë besuar njëri tjetrit për 35 vjet të bashkëpunojnë për Irakun sot?

Në Luftën Civile të Sirisë, SHBA-të e përkrahin opozitën. Irani e përkrah presidentin sirian, shkruan më tej AP.

SHBA-të e konsiderojnë Iranin “një shtet që e sponzoron terrorizmin”.

Associated Press rikujton se SHBA-të gjithashtu e kanë kërcënuar Iranin me veprime ushtarake nëse Irani bën përpjekje që të ndërtojë armatim bërthamor.

Sidoqoftë, vlerëson agjencia amerikane e lajmeve, SHBA-të dhe Irani tani janë më të angazhuara diplomatikisht se sa kanë qenë për vite të tëra.
XS
SM
MD
LG