Presidenti i Këshillit të BE-së, Herman Van Rompuy, pak para nisjes së ceremonisë së nënshkrimit të marrëveshjeve politike dhe tregtare në mes të BE-së dhe Ukrainës, Gjeorgjisë dhe Moldavisë ka thënë se “gjeneratat e ardhshme do e kujtojnë këtë”.
Ai ka shtuar se BE-ja “qëndron krahas jush” dhe e njeh integritetin territorial të secilit prej këtyre shteteve.
Van Rompuy megjithatë e potencoi se asgjë në këto marrëveshje nuk e dëmton Rusinë.
Ndërkaq Presidenti i Komisionit Evropian, Hose Manuel Barroso, ka thënë se marrëveshjet “nuk janë kundër askujt”.
Barroso shtoj se BE-ja nuk kërkon partneritet ekskluziv me këto tri shtete.
Para nënshkrimit të marrëveshjes, kryeministri i Gjeorgjisë, Irakli Garibashvili ka thënë se të bëhet pjesë e familjes evropiane është “vullneti i palëkundur” i Gjeorgjisë.
Marrëveshjen për Stabilizim Asociim që Gjeorgjia pritet ta nënshkruaj sot me BE-në e ka quajtur “themeli” i të ardhmes së Gjeorgjisë evropiane.