Një delegacion i Kongresit amerikan, i udhëhequr nga senatori Ben Cardin, ka vizituar Tbilisin e Gjeorgjisë.
Të dielën, delegacioni ka takuar presidentin gjeorgjian, Giorgi Margvelashvili, kryeministrin Irakli Garibashvili, si dhe përfaqësues të partisë opozitare Lëvizja e Bashkuar Kombëtare.
Cardin u ka thënë gazetarëve se Gjeorgjia është një vend “me rëndësi për Shtetet e Bashkuara dhe rajonin”.
Ai po ashtu ka thënë se delegacioni amerikan ka përsëritur mbështetjen e fuqishme të Uashingtonit për integritetin territorial të Gjeorgjisë dhe për aspiratat e saj evropiane.