Hungaria ka njoftuar se ky shtet do e ndërtojë pjesën që i takon për projektin e tubacionit të gazit rus, “Rrjedha e Gazit” ër ta furnizuar Evropën duke e anashkaluar territorin e Ukrainës.
Kryeministri hungarez, Viktor Orban, ka thënë sot në Serbi se “ata që thonë se ne nuk duhet ta ndërtojmë ‘Rrjedhën e Jugut’, duhet të bëjnë fillimisht një propozim alternativ se si do të mund të jetonim ne pa energji”.
Komentet e Orbanit nënvizojnë ndasitë në mes vendeve të BE-së rreth këtij prohekti, që pritet të kalojë prej Detit të Zi, përmes Serbisë, Hungarisë e të arrij deri në Austri.
Komisioni Evropian iu ka bërë thirrje vendeve anëtare të BE-së që t’i rezistojnë presionit të Kremlinit rreth këtij projekti, duke thënë se kontratat me Gazpromin rus i shkelin rregullat e BE-së.
Bulgaria e ka ngrirë projektin në fjalë në territorin e saj.
Mirëpo, më 24 qershor, kompania austriake e energjisë, OMV ka nënshkruar kontratë me Gazpromin rus për të ndërtuar pjesën që i takon Austrisë.
Serbia, më 17 qershor e ka rikonfirmuar përkushtimin e saj ndaj këtij projekti.