Një anije daneze që mban qindra ton të armatimit kimik sirian ka arritur në portin jugor italian të Gioia Tauro prej nga armatimi do të bartet për në anijen e mallrave amerikane ku edhe do të bëhet shkatërrimi i armatimit kimik.
E përcjellur nga anijet e shërbimit bregdetar italian dhe anije të tjera, “Ark Futura” ka ankoruar në port në agim.
Muajin e kaluar kjo anije ka marrë sasinë e fundit të armëve kimike, përfshirë edhe gazin mustardë dhe gazin sarin, që i janë marr Sirisë si pjesë e përpjekjeve ndërkombëtare për shkatërrimin e armatimit kimik të këtij shteti.
Kemikalet do të vendosen fillimit në anijen amerikane dhe më pas ato do të neutralizohen në det.