Ndërlidhjet

logo-print

Kosovë: Vetëvendosje solidarizohet me protestuesit në Shkup


Pamje nga protesta e shqiptarëve në Shkup

Pamje nga protesta e shqiptarëve në Shkup

Lëvizja Vetëvendosje ka shprehur sot “shqetësimin e saj të thellë” lidhur me ngjarjet e fundit në Maqedoni.

“Procesi i fundit gjyqësor ndaj shqiptarëve të dënuar me burgim të përjetshëm, pa pasur prova, tashmë e vulosë idenë se akte të tilla të përsëritura të cilat mohojnë edhe të drejtat bazike qytetare shkojnë përtej paragjykimeve rastësore, dhe dëshmojnë për një strategji institucionale që ka për qëllim shtypjen dhe frikësimin e shqiptarëve në trojet e tyre autoktone në Maqedoni”, thuhet në një njoftim për media të Vetëvendosjes.

Mëtutje, kjo lëvizje thotë se “e drejta për të protestuar ndaj një sistemi të tillë, jo vetëm që u takon të gjithë qytetarëve pa dallim, por kthehet edhe në një domosdoshmëri”, dhe shton se “ndërhyrja e dhunshme e policisë në protestë, veç sa e shpërfaqë edhe një herë padrejtësinë kundër të cilës po protestohet, duke i dhënë të drejtë protestuesve, të cilët janë rrahur, lënduar rëndë dhe arrestuar”.

Lëvizja Vetëvendosje bën thirrje për lirim të menjëhershëm të të gjithë qytetarëve të arrestuar gjatë përdorimit të së drejtës së tyre për të protestuar.

“Sistemi shtypës, që është ndërtuar në Maqedoni, është bërë edhe me ndihmën e atyre politikanëve shqiptarë që nuk kanë ditur të shikojnë përtej interesave të ngushta klanore të partive që përfaqësojnë”, thekson Vetëvendosje, duke shtuar se “bashkimi i faktorëve progresivë të politikës shqiptarë në Maqedoni është sot një nevojë urgjente që do të mund të haptë rrugën për drejtësi”.

XS
SM
MD
LG