Ndërlidhjet

logo-print

Qeveria kosovare kërkon dialog politik në Maqedoni


Ndërtesa e qeverisë së Kosovës (ARKIV)

Ndërtesa e qeverisë së Kosovës (ARKIV)

Zbatimi në përpikmëri i Marrëveshjes së Ohrit dhe dialogu politik ndërmjet komuniteteve është “rruga e vetme e zgjidhjes së çështjeve të hapura në mes të komuniteteve në Maqedoni”, ka vlerësuar qeveria e Kosovës përmes një komunikate dërguar mediave.

“Respektimi i të drejtave fundamentale kushtetuese dhe institucionale është mënyra e vetme për të evituar eskalimin e dhunës, që do të mund të përcillej me pasoja të rënda për tërë rajonin”, thuhët ndër të tjera në këtë komunikatë.

Komunikata vazhdon më tej duke thënë se, “Populli shqiptar në Maqedoni ka përfaqësuesit e vetë zgjedhur në mënyrë demokratike, të cilët e kanë për obligim që t'i adresojnë në mënyrë institucionale problemet dhe shqetësimet e popullatës shqiptare”.

Qeveria e Kosovës në fund të deklaratës së saj iu ka bërë thirrje të gjitha palëve në shtetin fqinj të Kosovës për maturi dhe gjetje të zgjidhjes përmes dialogut të ndërsjellë.

XS
SM
MD
LG