Sekretari amerikan i Shtetit, John Kerry, ka arritur në Afganistan, në përpjekje për të ulur tensionet rreth rezultatit të zgjedhjeve presidenciale, të cilat kanë shkaktuar frikë nga dhuna etnike.
Zëdhënësi i Departamentit të Shtetit, Jeff Rathke, ka thënë se Kerry do të takojë të dy pretendentët presidencialë, Abdullah Abdullah dhe Ashraf Ghani, si dhe presidentin në largim, Hamid Karzai.
Komisioni i Pavarur Zgjedhor ka shpallur Ghanin fitues, por Abdullah, i cili ka fituar rrethin e parë të zgjedhjeve, ka hedhur poshtë rezultatet preliminare të balotazhit.
