Ndërlidhjet

Vjenë: Kerry pret të takohet me kolegun iranian


John Kerry (djathtas) dhe Mohammad Javad Zarif gjatë një takimi të mëparshëm

John Kerry (djathtas) dhe Mohammad Javad Zarif gjatë një takimi të mëparshëm

Sekretari amerikan i shtetit, John Kerry, dhe kolegu i tij iranian, Mohammad Javad Zarif, pritet të takohen sot gjatë ditës në Vjenë, derisa bisedimet për programin atomik të Iranit kanë vazhduar pa ndonjë kthesë të rëndësishme.

Një zëdhënës i Departamentit amerikan të shtetit i tha Radio Evropa e Lirë në Vjenë, se zoti Kerry është i gatshëm “të gjejë kohë të domosdoshme” për ta vlerësuar vullnetin e Iranit për arritjen e zgjidhjes për krizën dhe të shihet “nëse mund të bëhet progres”.

Ministrat e jashtëm të Britanisë, Francës dhe Gjermanisë, janë larguar nga Vjena, pasi dje i kanë bërë presion Iranit që të bëjë koncesione madhore.

Sekretari i jashtëm britanik, William Hage, tha se nuk është arritur “kthesë vendimtare” dhe se mbetet “hendek i thellë” në çështjen e pasurimit të uraniumit.

Të gjashtë fuqitë botërore, Shtetet e Bashkuara, Franca, Britania, Gjermania, Rusia dhe Kina, kërkojnë që Irani ta reduktoj programin e pasurimit , ndërsa Teherani thotë se dëshiron ta zgjeroj atë.

XS
SM
MD
LG