Së paku 20 persona kanë vdekur dhe mbi 100 të tjerë janë plagosur, shumica nga ta rëndë, pasi një tren në metronë e Moskës ka dalë nga binarët.
Një zëdhënës i Ministrisë së Emergjencave ka thënë se presioni i rrymës ka shkaktuar alarm, duke bërë që treni të ndalojë befas dhe disa vagonë të dalin nga binarët.
Yuri Akimov, përfaqësues për Moskën i shërbimeve emergjente, ka thënë se rreth 200 njerëz janë evakuar nga treni.
Për evakuimin e të plagosurve nga vendi i ngjarjes janë përdorur helikopterët.
Aksidenti ka ndodhur pranë stacionit Park Pobedy, i cili është edhe stacioni më i thellë në metronë e Moskës, përkatësisht 84 metra.