Dy zyrtarë të hekurudhave të Moskës janë arrestuar pas aksidentit të së martës në sistemin e metrosë, i cili ka lënë 23 njerëz të vdekur dhe dhjetëra të plagosur.
Komiteti Hetues i Rusisë ka thënë se përgjegjësi i shërbimeve hekurudhore të Moskës, Valery Bashkatov, dhe ndihmësi i tij, Yury Gordov, akuzohen për shkelje të rregullave të sigurisë në metro.
Tre vagona të trenit kanë dalë dje nga binarët, pasi treni ka ndaluar befas si pasojë e një alarmi flas.
Gjashtë nga të vdekurit kanë qenë shtetas të huaj: dy kinezë, dy taxhikë, një kirgiz dhe një moldav.
Moska ka shpallur sot ditë zie, në nderim të viktimave.