Separatistët pro rusë në lindje të Ukrainës kanë njoftuar se kutitë e zeza të aeroplanit të “Malasyia Airlines” janë gjetur dhe ato janë dorëzuar te Organizata e Aviacionit Civil Ndërkombëtar.
Aleksandr Borodai, kryeministri i vet deklaruar i “Republikës së Donjeckut” , gjatë një konference të sotme ka thënë se separatistët pro rusë kanë ato që duket se janë kutitë e zeza të aeroplanit, i cili u rrëzua më 17 korrik.
Borodai ka thënë se forcat rebele kanë marrë “pajisje, që duket se janë kutitë e zeza” dhe ka thënë se ato janë dorëzuar te qyteti lindor ukrainas i Donjeckut, që kontrollohet nga separatistët.
Liderë të tjerë separatistë kanë përsëritur disa herë gjatë tre ditëve të fundit se kanë njërin apo të dy kutitë e zeza, mirëpo më vonë ato i kanë hedhur poshtë.
Forcat separatiste e kontrollojnë zonën, në afërsi të Torrezit, afër kufirit me Rusinë, ku edhe është rrëzuar aeroplani me 298 pasagjerë.
