Britania ka njoftuar se do të mbaj një hetim publik rreth vdekjes së ish spiunit të KGB-së, Aleksandr Litvinenko.
Vendimi do të thotë se hetuesit mund të shikojnë nëse shteti rus ka luajtur rol në vdekjen e Litvinenkos.
Sekretarja për Çështje të Brendshme, Theresa May, e ka dhënë njoftimin për hetimin.
Vendimi është marrë pas tensioneve në rritje në mes të Rusisë dhe Britanisë.
Litvinenko, në një deklarim pak para vdekjes, pas helmimit në vitin 2006, e kishte akuzuar presidentin rus, Vladimir Putin për dhënien e urdhërit për vrasjen e tij.
Vitin e kaluar, qeveria britanike e kishte hedhur poshtë kërkesën për hetimin e vdekjes së Litvinenkos.
Litvinenko ka vdekur pak javë pasi e kishte pirë një çaj të helmuar me një izotop të rrallë radioaktiv derisa qëndronte në një hotel luksoz.
Kremlini gjithëmonë i ka hedhur poshtë akuzat se është i përfshirë në vdekjen e Litvinenkos.