Ndërlidhjet

Indonezi: Francezi dënohet me 15 vjet burg për drogë


(Ilustrim)

(Ilustrim)

Një gjykatë indoneziane e ka dënuar një francez me 15 vjet në burg për kontrabandimin e metamfetaminës në ishullin turistik të Balit.

Francois Jacques Guily, është arrestuar në janar kur ka arritur në aeroportin e Ngurah Rai pasi zyrtarët doganorë ja kanë gjetur dy pako të plastikës me 3 kg të këtij lloji të drogës në valigjen e tij.

Një gjykatës i qarkut Denpasar gjithashtu e ka dënuar francezin 49 vjeçar me 870 mijë dollarë apo në vend të kësaj të bëj burg edhe tre muaj shtesë.

Indonezia ka ligje shumë strikte kundër drogës ndërsa kontrabanduesit e dënuar të drogës shpesh ekzekutohen.

Më shumë se 140 persona janë në pritje të ekzekutimit, shumica për krime që kanë të bëjnë me drogën.

Rreth një e treta e tyre janë të huaj.

XS
SM
MD
LG