Presidenti amerikan, Barack Obama, ka thënë se Shtetet e Bashkuara të Amerikës kanë bërë çdo gjë që të bindin Rusinë që të ndryshojë qëndrimin ndaj Ukrainës, ku forcat qeveritare po luftojnë kundër rebelëve prorusë.
Duke folur në Shtëpinë e Bardhë, Obama ka thënë se sanksionet që janë vendosur kanë çmimin e tyre për Rusinë dhe kjo duhetta nxisë Putinin që të dëshirojë të zgjidh krizën e Ukrainës.
Por, ka vazhduar më tej Obama presidenti rus është duke punuar në kundërshtim me interesin e vendit të tij, dhe ka shtuar: “Nganjëherë njerëzit nuk veprojnë në mënyrë racionale”.