Ndërlidhjet

Amerikanja e infektuar me Ebola arrin në SHBA


Aeroplani me të cilin, Nancy Writebol, është kthyer në SHBA

Amerikanja që është marrë me ndihma humanitare në Afrikën perëndimore, i diagnostifikuar me Ebola, ka arritur në SHBA për trajtim mjekësor.

Pacientja ka arritur me një aeroplan të veçantë për të në Marietta, në shtetin federal të Georgia-s.

Ajo do të dërgohet tani në një zonë të izoluar në spitalin universitar të Emory për trajtimet e duhura.

Grupi me të cilin ajo ka punuar thonë se fjala është për 59 vjeçaren, Nancy Writebol, e cila është në gjendje të keqe shëndetësore, por stabile.

Amerikani i parë i infektuar me Ebola, Dr. Kent Brantly, nga Karolina e Veriut, ka arritur në Atlanta të shtunën.

Të dy amerikanët janë infektuar me virusin e Ebolas, derisa trajtonin pacientë me Ebola në Liberi.

XS
SM
MD
LG