Luftimi i ekstremizmit dhe radikalizmit është detyrë parësore e të gjitha institucioneve të vendit dhe angazhimi i plotë i prokurorisë së shtetit në këtë drejtim është i domosdoshëm dhe jetik në garantimin e stabilitetit dhe sigurisë për vendin.
Me këto fjalë i është drejtuar Presidentja e Kosovës, Atifete Jahjaga, ushtruesit të detyrës së Kryeprokurorit të shtetit, Sylë Hoxha.
Njoftimi i bërë publik përmes një komunikate të presidencës, thuhet se presidentja ia ka kujtuar Zotëri Hoxhës “rolin e jashtëzakonshëm që ka ky institucion në luftimin e krimit të organizuar dhe korrupsionit, si dhe në sigurimin e sundimit të rendit dhe ligjit në Kosovë”.