Aeroplanë luftarakë amerikanë kanë kryer katër sulme ajrore në pikat e kontrollit të drejtuara nga militantët suni në Irakun veri-perëndimor.
Ushtria amerikane tha se në qytetin Sinjar janë shkatërruar pikat e kontrollit dhe disa automjete që përdoreshin nga grupet militante të Shtetit Islamik.
Militantët e Shtetit Islamik kanë okupuar hapësira të mëdha në Irakun verior dhe perëndimor që kur ata filluan ofensivën e tyre në muajin qershor.
Javën e kaluar, presidenti i SHBA-së, Barack Obama, autorizoi sulmet ajrore për të mbrojtur interesat e SHBA-së dhe të personelit në atë rajon, si dhe civilëve të ikur nga militantët.