I huaji që u vra sot nga therja me thikë në Kabul, është pjesëtar i forcave të NATO-s në Afganistan,sipas policisë afgane dhe NATO-s.
NATO e ka publikuar një komunikatë përmes së cilës e konfirmon se “pjesëtari i tyre ka vdekur nga plagët e një sulmi me thikë në Afganistanin lindor”.
Policia e Kabulit e ka konfirmuar vrasjen e ushtarit të NATO-s i cili është sulmuar kur konvoji i forcave të NATO-s, është ndaluar derisa ishte rrugës për aeroport, gjatë një kontrolli rutinor të policisë.
Policia e Kabulit ka thënë se sulmuesi është kapur dhe është duke u marrë në pyetje.
Kombësia e ushtarit nuk është bërë e ditur ende.