Ndërlidhjet

logo-print

Gjermani: E ardhmja e Ballkanit është në BE


Angela Merkel përshëndetet me Hashim Thaçin në nisje të konferencës për Ballkanin në Berlin

Angela Merkel përshëndetet me Hashim Thaçin në nisje të konferencës për Ballkanin në Berlin

Kancelarja gjermane, Angela Merkel, dhe zyrtarët e Bashkimit Evropian, janë takuar sot në Berlin me zyrtarët e vendeve të Ballkanit Perëndimor, në përpjekje të shtytjes së tyre përgjatë rrugës së reformave, që do t’i shtojnë gjasët e këtyre shteteve për anëtarësim në Bashkimin Evropian.

“E ardhmja e shteteve të Ballkanit qëndron në BE”, tha ministri i ekonomisë së Gjermanisë, Sigmar Gabriel, në hapje të samitit, në të cilin marrin pjesë tetë liderë ballkanikë.

Por, zoti Gabriel tha se qeveritë e rajonit, po ashtu, duhet t’i çojnë përpara përpjekjet për reforma për ta përmirësuar sundimin e ligjit, infrastrukturën, e të tjera, në mënyrë që të kenë gjasë për pranim në BE, që aktualisht përbëhet nga 28 shtete.

Kjo do të ndihmonte në promovimin e besimit të investitorëve në Ballkan, tha Gabriel, i cili është edhe zëvendëskancelar i Gjermanisë.

Në takimin në Berlin kanë marrë pjesë liderët e Shqipërisë, Kosovës, Maqedonisë, Serbisë, Malit të Zi dhe Bosnjë Hercegovinës, dhe anëtarët e BE-së, Sllovenia dhe Kroacia.

Kjo është hera e dytë që kancelarja e Gjermanisë, Angela Merkel, është takuar me liderët e Ballkanit gjatë muajve të fundit; takimi i parë i tillë ishte në muajin korrik në Dubrovnik.

XS
SM
MD
LG