Gjykata shtetërore në Riad ka dënuar një qytetar amerikan dhe 23 të tjerë me burgim nën akuzat për përgatitje të sulmeve terroriste.
Agjensia saudite e lajmeve njofton se dënimet janë nga 2 deri në 27 vjet.
Shtetasi amerikan, emri i të cilit nuk tregohet, është dënuar me 17 vjet burg, 6 prej të cilave do t’i mbajë për ‘krime kibernetike’.
Agjensia shtetërore nuk ka dhënë detaje për mënyrën se si është kryer operacioni i arrestimeve, vetëm ka treguar se të dënuarit kanë pasur në plan të veprojnë në Arabinë Saudite dhe në Bahrain.
Në mesin e të arrestuarve është edhe një shtetas jemen. Të tjerët janë shtetas të Arabisë Saudite.
Ndryshe, policia saudite më 1 shtator ka njoftuar se ka arrestuar 88 persona nën dyshimin se janë pjesëtarë të Al-Kaidës.
