Një gjykatë izraelite ka dënuar sot një udhëheqës poligamist kult për krime seksuale, pasi ka mbajtur një harem të grave me të cilat ka bërë dhjetëra fëmijë.
I dënuari është Goel Ratzon, i cili u dënua nga Gjykata e Qarkut, në Tel Aviv, për përdhunim, incest dhe vepra të tjera.
Por gjykata e ka liruar atë nga akuza për skllavërim, diçka që bëri të lëshohen klithma zemërimi në sallën e gjyqit.
Rasti ka tronditur izraelitët kur në vititn 2010 janë shfaqur detajët e krimeve të Ratzon. Ai ka mbajtur 21 gra, ku në trupat e disa prej tyre ai ka bërë tato, emrin e tij së bashku me imazhin e një 64 vjeçari me flokë të gjata të bardha dhe me mjekërr.
Fëmijët që gratë kanë lindur, janë emëruar sipas variacioneve që lidheshin me emrin e tij ‘Goel’, apo në hebraisht ‘shpëtimtar’.
Yehudit Herman, e cila ka qenw pjesw e haremit, ka treguar pwr kanalin televiziv 2, se kur gjykata ka shpallur dwnimin ka pwrjetuar ndjenja tw pwrziera.
Ajo ka thënë se’është ndier shumë e lumtur’ që ai është dënuar për krime seksuale.
Por ka thënë se ndihet e dëshpëruar që ai nuk është akuzuar për skllavërim.
“Ky nuk ishte një sklavërim i rëndomtë, kur dikush i merr pasaportën dikujt dhe e mbyllin diku për të abuzuar fizikisht me të. Ky ka qenë skllavërim shpirtëror, skllavërim psiqik”, ka shtuar ajo.
Ajo ka treguar se ka qenë 17 vjeçare kur e ka takuar Ratzon, atë kohë ai ishte 30 vjeq. Ajo ka jetuar me Ratzon për 12 vite dhe ka lindur 5 fëmijë.
