Nëna e gazetarit të vrarë amerikan nga militantët e Shtetit Islamik, thotë se Shtetet e Bashkuara e kishin ‘braktisur’ djalin e saj.
Diane Foley, ka thënë për CNN se ajo është ndier "e turpëruar" nga trajtimi që qeveria i ka bërë rastit të birit të saj James Foley.
Një video e lëshuar më 19 gusht tregon një njeri të maskuar duke i prerë kokën, gazetarit Foley, i cili ishte zhdukur në Siri në nëntor 2012.
Në një intervistë dhënë sot, nga Diane Foley, ajo thotë se ka pasur njerëz në Qeverinë e Shteteve të Bashkuara, që kanë dashur të ndihmojnë, por sipas saj ‘natyra e burokracisë, ishte asisoj që nuk e ka lejuar një gjë të tillë’.
Përpjekjet për shpëtimin e James Foley, kanë ardhur shumë vonë, thotë ajo.
”Jam ndier se shteti ynë e ka braktisur Jimin”.