Ndërlidhjet

Rusi: Arrest shtëpiak për oligarkun Yevtushenko


Vladimir Yevtushenkov

Vladimir Yevtushenkov

Njëri prej njerëzve më të pasur në Rusi, Vladimir Yevtushenkov, është vendosur nën arrest shtëpiak, në një rast i cili krahasohet me goditjen e autoriteteve kundër kompanisë së naftës, Yukos, para më tepër se një dekade.

Zoti Yevtushenkov është i dyshuar për pjesëmarrje në skemën e pastrimit të parave, kur kompania e tij, AFK Sistema, ka siguruar aksione në Bashneft, një kompani për prodhimin e naftës në Rusi.

Kompania AKF Sistema , nëpërmjet një deklarate, ka thënë se akuzat e Komitetit Hetues të Rusisë i konsideron “totalisht të pabaza” dhe ka shprehur përkushtim për të luftuar kundër tyre.

Mediat ruse kanë raportuar në muajin qershor se kompania më e madhe ruse e naftës, e kontrolluar nga shteti, Rosneft, e kishte shqyrtuar blerjen e Bashneftit.

Rosneft udhëhiqet nga Igor Sechin, person i fuqishëm dhe për shumë kohë ndihmës i presidentit të Rusisë, Vladimir Putin.

Alexander Shokhin, shef i Sindikatës Ruse të Industrisë dhe Ndërmarrjeve, tha se arresti shtëpiak i Yevtushenkos “padyshim duket sikur Yukos numër 2”.

Dmitry Peskov, zëdhënmës i Putinit, me të shpejtë e ka hedhur poshtë këtë krahasim si “jopërkatëse dhe të pabazë”.

XS
SM
MD
LG