Presidenti amerikan,Barack Obama, është takuar me presidentin e Ukrainës, Petro Poroshenko, mbrëmë vonë në Shtëpinë e Bardhë në Uashington.
Pas takimit, Obama duke folur në Zyrën Ovale, e ka dënuar atë që ai e cilësoi “agresion rus, së pari në Krime, dhe tash së fundit, në pjesë të Ukrainës lindore”.
Presidenti amerikan e ka lavdëruar Poroshenkon për udhëheqje, duke thënë se lidershipi ishte “kritik në kohën shumë të rëndësishme në historinë e Ukrainës”.
Obama theksoi se Shtetet e Bashkuara do të vazhdojnë ta ndihmojnë Ukrainën, për të gjetur zgjidhje diplomatike për krizën me të cilën ballafaqohet ky vend.
Presidenti i Ukrainës, Petro Poroshenko, e ka falënderuar Obamën për mbështejtje të “jashtëzakonshme” që Shtetet e Bashkuara kanë treguar për Ukrainën.
