Ndërlidhjet

SHBA: Komiteti i Senatit e kaloi legjislacionin për Ukrainën


Pamje e pjesës së Senatit të Shteteve të Bashkuara në Uashington

Pamje e pjesës së Senatit të Shteteve të Bashkuara në Uashington

Legjislacioni për autorizimin e ndihmës ushtarake për Ukrainën dhe për më tepër sanksione kundër Rusisë, njëzëri ka kaluar në Komitetin për Marrëdhënie të Jashtme të Senatit të Shteteve të Bashkuara.

Ky legjislacion, i quajtur Akti Mbështetës për Lirinë e Ukrainës, i paraqitur nga senatori demokrat, Robert Menendez, dhe ai republikan, Bob Corker, mbrëmë vonë, është miratuar me 18 vota për dhe asnjë kundër.

Nuk është e qartë se kur do të votohet për këtë legjislacion në Senatin e plotë, pasi dje ishte dita e fundit e punës, deri në muajin nëntor.

Legjislacioni Menendez – Corker i autorizon 350 milionë dollarë ndihmë ushtarake, përfshirë edhe ndonjë formë të pajisjeve vdekjeprurëse.

XS
SM
MD
LG