Policia e Afganistanit thotë se nga një eksplodim në pjesën veriore të këtij vendi, janë vrarë 6 vetë dhe plagosur 12 të tjerë, pak kohë pasi ishin larguar nga Falja e Xhumasë në një xhami.
Zëdhënësi i policisë së provincës Baghlan, Jawad Basharat, tha se nuk është e qartë se kush e kreu këtë sulm të sotëm.
Prej zhvillimeve të tjera, zyrtarët në provincën Logar kanë njoftuar se dje janë vrarë katër policë, gjatë një përleshje me kryengritësit talibanë.
