Kandidatët presidencialë në Afganistan, Abdullah Abdullah, dhe Ashraf Ghani, kanë nënshkruar marrëveshjen për ndarje të pushtetit.
Sipas marrëveshjes, Ghani do të emërohet president, ndërsa Abdullah shef ekzekutiv.
Marrëveshja i jep fund kontestimit disamujor të rezultatit të zgjedhjeve të qershorit.
Presidenti në largim, Hamid Karzai, ka përgëzuar Ghanin dhe Abdullahun dhe ka shfaqur shpresën për paqe dhe prosperitet në Afganistan.