Autoritetet në Azerbajxhan thonë se i kanë arrestuar 26 shtetas të dyshuar se u janë bashkuar militantëve në Siri dhe Pakistan.
Për këto arrestime, Azerbajxhani, që është aleat i paepur i Shteteve të Bashkuara, ka njoftuar sot, disa orë pasi Amerika dhe aleatët e saj arabë, e kanë lansuar një seri të sulmeve ajrore kundër militantëve të Shtetit Islamik në Siri.
Ministria e sigurisë së Azerbajxhanit tha se të arrestuarit janë akuzuar për pëfrshirje në grupet e armatosura ilegale, për trafikim të armatimit dhe eksplozivit, e të tjera.
Të dyshuarit janë arrestuar pas kthimit të tyre në Azerbajxhan.
Sipas legjislacionit të Azerbajxhanit, të dyshuarit mund të dënohen prej 20 vjet burg e deri në burgim të përjetshëm, nëse shpallen fajtorë.
Raportohet se më se 100 shtetas të Azerbajxhanit janë vrarë duke luftuar së bashku me militantët në Siri.
